'I Ciaramèji

 

Venìti figghjòli,

no ffati cchjù 'i mali,

ngi su' 'i ciaramèji,

è tembu 'i Natali.

Venìti cà stannu

sonandu a vajùni

'na gran ninna-nanna.

Chi bèja canzùni!

Venìti, accurrìti,

dassàti li botti

cà chista è la mègghju

di tutti li notti.

Dassàti 'sti jòchi,

sendìti 'a zzambògna,

no ffati ribbèju:

ma ch'è 'sta vrigògna!

Sendìtila bona,

'ncollàtila 'ndesta,

pecchì p"ô Signuri

si fa' chista festa.

Su' l'ùrtimi voti

chi vui la guardàti,

pecchì puru chisti

su' cosi passàti.

Fujìti, scappàti,

figghjòli, venìti!

O vui maritàti

e vui puru zziti.

Zzumbàti, satàti,

non jàti penzàndu

c"a gendi vi vidi:

godìti 'stu candu!

É candu chi fùji

e poi cchjù non torna,

godìtilu bonu

fin quandu no 'nghjòrna.

Si sendi 'a zzambògna,

fa' festa ô Signuri

chi vinni mu sarba

a nui peccatùri.

Nescìu povarèju

e mortu di fami,

nescìu dind"a pagghja

mu sarba li 'mbami.

P"ô bonu e p"ô malu

è grandi speranza,

pe' cui l'havi chjìna

o vota la panza.

Venìti, giojìti,

facìti gran festa!

'Nd"ê casi vi dicu

ca nùju ha mu resta.

Sendìti chi soni.

chi soni potendi,

mo' vannu nescèndu

di chìji strumèndi...

Sendìti chi soni,

chi soni giojùsi,

mo' vannu nescèndu

di chìji pertùsi...

*

jòchi = giochi

ribbèju = chiasso

'ncollàtila = tenetela bene a mente

maritàti = sposati

zziti = fidanzati

fùji = fugge

'nghjòrna = fa giorno

'mbami = infami

chjìna = piena

pertùsi = fori della zampogna e del piffero

panza = pancia